Artist Name: # A B C D E F G H I J K L M N O P Q R S T U V W X Y Z
Song Title: # A B C D E F G H I J K L M N O P Q R S T U V W X Y Z



Lhirikoh - Istorya ft. Jho Lyrics

sa likod nitong talento'y may istoryang nakatago
sa batang isinalin na mula sa ibang dugo
puro bigo ang hinarap mula noong musmos
lumaki siyang tahimik sa kaibigan ay kapos

sa mga kaibigan nya'y lagi syang kinukumpara
sapatos na ipinamana nanggaling daw sa basura
sa kahiyaang makisama ay natutong tumayo
nilisan ang mga kaibigan at tuluyang lumayo

maghapong di lumalabas kasama lang kanyang pamilya
si bantay ang kasama hanggang sa pagtulog niya
di alintana ang paghihirap kahit walang kaibigan
suporta ng magulang ang kanyang naging sandigan

sa pagdaan ng panahon ang sandigang sinasaligan
ay nagkaron ng lamat pundasyon ay nadungisan
dahil sa paniniwalang sa Dios lang dapat umasa
inusig ng pamilya nilayo pati pag-asa


at pagalis sa kanilang tahanan ang lahat tila iniwan
walang pagkain na dala isang damit ang tangan
bitbit ang bibliya lakas loob nyang hinarap
ang hamon sa lansangan ni wala man lang lumingap

sa kanyang paglalakbay ay tiniis lahat ng gutom
agahan nya ay awa tanghalian ay bulong
ang masaklap ay sa gabi na lagi nyang nararanasan
halos lahat ng tao ay sya ang naging tuksuhan

ang pag-iyak niya sa sulok ang naging solusyon
upang lunasan ang lahat sa kalsadang polusyon
walang dasal at paghingi ng tawad na sinasambit
nakalimutan salita ng Dios na tangi niyang bitbit

at natutong manlimos upang mabuhay araw-araw
kailangan nang kumain dahil ito'y ikatlong araw
ng gutom at ng uhaw humahapdi na ang sikmura
hindi na kayang tiisin alipusta't mga pagmura


nagkaroon ng kaibigan na ngayo'y madadamayan
mga batang pulubi umaasa sa lansangan
nanlilimos ng awa at nanlilimos ng tulong
daming oras na sinyang sa bisyo ay nalulong

at hindi maiiwasan dahil sa hirap ng buhay
istorya ng sang bata'Y hindi nagkaron ng kulay
at tila di naramdaman ng tao na maawa
nag-aabang ng tulong ngunit walang gumagawa

at isang iglap ay kanyang nabatid
ang luha na tumulo ay tuluyan nang pinahid
muli ay nagbangon taas noo syang tumindig
kimkim pa rin ang galit sa pagtikom ng kanyang bibig

ngunit kailangan gumawa ng paraan na maaliw
upang matakpan ang lahat at isip nyay di mabaliw
nadiskubreng mga talento na ngayo'y lumalabas
na pang-aliw at panlibang, sa lungkot na dinaranas



Lhirikoh lyrics